O‘zbekistonda 30-aprel kuni koronavirus infeksiyasini yuqtirib olish bilan bog‘liq 442 ta yangi holat ro‘yxatga olindi — bu kunlik kasallanish bo‘yicha 2021-yilning eng yuqori ko‘rsatkichidir. Bundan avvalgi antirekord 29-aprel kuni qayd etilgan, o‘shanda 402 kishida COVID-19 tasdiqlangan. Shunday qilib, mamlakatda koronavirusga chalingani rasman tan olinganlar soni 91 250 nafarga yetdi.
Yangi kasallanish holatlarining
- 7 nafari Qoraqalpog‘iston Respublikasida,
- 6 nafari Andijon viloyatida,
- 10 nafari Jizzax viloyatida,
- 6 nafari Qashqadaryo viloyatida,
- 4 nafari Navoiy viloyatida,
- 5 nafari Namangan viloyatida,
- 53 nafari Samarqand viloyatida,
- 5 nafari Sirdaryo viloyatida,
- 6 nafari Surxondaryo viloyatida,
- 19 nafari Farg‘ona viloyatida,
- 2 nafari Xorazm viloyatida,
- 60 nafari Toshkent viloyatida,
- 259 nafari Toshkent shahrida
Vazirlikning qo‘shimcha qilishicha, Qoraqalpog‘istonda 12 nafar, Buxoroda 9 nafar, Jizzaxda 2 nafar, Samarqandda 31 nafar, Surxondaryoda 4 nafar, Farg‘onada 6 nafar, Toshkent viloyatida 47 nafar, Toshkent shahrida 125 nafar bemor tuzalib, kasallikdan sog‘ayganlar jami 87 313 nafarga yetdi va sog‘ayish ko‘rsatkichi 96 foizni tashkil qilmoqda.
Shuningdek, 1 nafar koronavirusga chalingan bemor vafot etib, kasallikdan vafot etganlar soni 650 nafarni tashkil qilmoqda. Ayni paytda tibbiyot muassasalarida 3287 nafar bemor davolanyapti.
Avvalroq O‘zbekistondagi yana 3 ta OTMda o‘quv jarayonlari onlayn shaklga o‘tkazilgani, Toshkentda 101 yoshli otaxon koronavirusdan sog‘ayib chiqqani, mamlakatda koronavirusga qarshi emlanganlar soni 700 ming kishidan oshgani to‘g‘risida xabar berilgandi.
Izoh (0)