Afg‘onistonda bomba o‘rnatilgan avtomobilning portlashi oqibatida, taxminan, 30 kishi qurbon bo‘ldi, eng kamida 60 kishi jarohatlandi. Bu haqda “Korrespondent.net” xabar berdi.
Portlash Logar viloyatining ma’muriy markazi hisoblangan Puli-Alam shahrida sodir bo‘ldi. Dastlabki ma’lumotlarga ko‘ra, mashina shifoxonaning yonida portlatilgan.
Avvalroq Afg‘onistonning Vardak viloyatida vertolyotning qulab tushishi oqibatida to‘qqiz kishi halok bo‘ldi. Xabarga ko‘ra, halok bo‘lganlar orasida to‘rt nafar ekipaj a’zosi va besh nafar harbiy xizmatchi bo‘lgan.
Shuningdek, Tolo News agentiligi Kobulda ichida hukumat xodimlari bo‘lgan avtobusning portlashi oqibatida kamida to‘rt kishi halok bo‘lib, o‘n to‘rt kishi yaralangani haqida xabar berdi.
Ma’lumot uchun, Amerika harbiy qo‘mondonligi 29-aprel kuni AQSh qo‘shinlarini Afg‘oniston hududidan olib chiqishni boshlab yubordi.
Shimoliy Atlantika Ittifoqi (NATO) shtab-kvartirasi apparatining vakili ham mazkur tashkilotning harbiylari ham Afg‘onistondan chiqib ketishni boshlaganini ma’lum qildi.
Mavzuga doir:
- Pokistonda Xitoy elchisini o‘ldirish maqsadida portlash sodir etildi — OAV (video)
- 2014-yilda Chexiyadagi omborlarda yuz bergan portlashlar bo‘yicha operatsiyaga Rossiya razvedka boshqarmasi generali rahbarlik qilgan — OAV
- Eron yadro zavodida yuz bergan portlash terakt deb baholandi. Uni Isroil tashkillashtirgani xabar berilmoqda
Izoh (0)