2020-yilning iyulida Gavayida shunchaki syorfing bilan shug‘ullanishni istagan Facebook asoschisi Mark Sukerberg kutilmaganda internet yulduziga aylanib ketgan edi. U yuziga quyoshdan himoya qiluvchi kremdan nafaqat himoyalanish, balki maskirovka maqsadida ham foydalangan, deb xabar beradi Esquire.
Instagram rahbari Adam Mosseri bilan to‘g‘ridan to‘g‘ri efir vaqtida milliarder Gavayida dam olayotganini sezib qolishlarini xohlamaganini va shu sababli yuziga sanskrinni qalin qilib surganini tan olgan. U buni paparatssilardan himoyalanish maqsadida amalga oshirgan.
Biroq suratkashlar Sukerbergni baribir tanib qolgan, ijtimoiy tarmoqlar foydalanuvchilar esa uni memlar qahramoniga aylantirgan: Sukerbergning yangi obrazi Jokerga, hatto 1993-yilda chiqqan komediyadagi Dautfayr xonimga qiyoslangan.
Sukerbergning o‘zi memlardan xafa emasligini va doim “internetni kuldirish”dan xursandligini ta’kidlagan.
Izoh (0)