Namangan viloyatining Mingbuloq tumanida Nexia-2 rusumli avtomobil haydovchisi yo‘lni kesib o‘tayotgan 5 yoshli qizchani urib yubordi, deb xabar beradi viloyati IIB axborot xizmati.
Ma’lum qilinishicha, avariya 20-aprel kuni soat 18:30 larda Jomashuy—Tegirmon—Navbahor yo‘lining 4 kilometrida, “Kichik Jomashuy” mahallasi ichki yo‘lida sodir bo‘lgan. Nexia-2’ni boshqarib ketayotgan haydovchi harakat xavfsizligini ta’minlay olmay, yo‘lni kesib o‘tayotgan 5 yoshli piyodani urib yuborgan.
Oqibatda jabrlanuvchi tan jarohati olib, voqea joyida vafot etgan.
Ushbu holat bo‘yicha tuman IIB huzuridagi Tergov bo‘limi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilgan.
Avvalroq Namanganda MAN yuk mashinasi piyodani urib ketgani, Samarqandda Cobalt maktab oldidagi piyodalar yo‘lagidan o‘tayotgan 8 yoshli qizni urib yuborgani to‘g‘risida xabar berilgandi.
Izoh (0)