16-aprel kuni vafot etgan O‘zbekiston xalq artisti Mirza Azizov COVID-19 ga chalinib, 25 kun davomida Respublika maxsus 2-sonli Zangiota shifoxonasining reanimatsiya bo‘limida davolangan.
“Daryo”ning Sog‘liqni saqlash vazirligidagi manbasining ma’lum qilishicha, aktyor 2021-yilning 23-mart kuni soat 15:40 da Respublika maxsus 2-sonli Zangiota shifoxonasiga olib borilgan va ahvoli og‘irligi tufayli reanimatsiya bo‘limiga yotqizilgan.
Mirza Azizovda COVID-19 infeksiyasi hamda ikki tomonlama pnevmoniya tasdiqlangan. Unga yurak ishemik (yurak-tomir tizimining keng tarqalgan kasalligi bo‘lib, miokard ishemiyasi va koronar qon aylanishining buzilishi bilan kechadi – tahr.) kasalligining dastlabki tashxisi qo‘yilgan. Aktyorda gipertoniyaning ikkinchi bosqichi, semizlikning ikkinchi darajasi, ilk bor qandli diabetning ikkinchi turi aniqlangan.
23-martdan to vafot etgunga qadar, ya’ni 16-aprelgacha reanimatsiya bo‘limidagi shifokorlardan tashqari, kardiolog, pulmonolog, endokrinolog singari tor soha mutaxassislari ham jalb qilinib, Mirza Azizov kuchli nazoratga olingan. Ammo bemorda yuqoridagi surunkali kasalliklar borligi uchun shifokorlarning standart bo‘yicha davolash muolajalariga qaramasdan, 16-aprel kuni soat 12:15 da biologik o‘lim holati qayd etilgan.
Mavzuga doir:
- Shavkat Mirziyoyev O‘zbekiston xalq artisti Mirza Azizov vafoti munosabati bilan hamdardlik bildirdi
- “Mening ahvolim sal og‘irroq, Tojibar opangizniki ancha yaxshi”. Mirza Azizovning kovid-kasalxonada davolanayotgan paytda yuborgan audiosi tarqaldi
- Instagram: Turmush o‘rtog‘i bilan yarashgan Kamila Gimandinova, Munisa Rizayevaning onasi uning xeyterlariga yuzlandi, Mirza Azizov o‘qigan she’r qalblarni titratmoqdaa
Izoh (0)