Buyuk Britaniya qirolichasi Yelizaveta II turmush o‘rtog‘i shahzoda Filipp vafotidan to‘rt kun o‘tgach, yana monarxlik majburiyatlarini bajarishga qaytdi. Bu haqda The Guardian xabar bergan.
Yelizaveta II qirollik saroyidagi eng yuqori lavozim hisoblanuvchi lord-kamerger o‘rnida ishlagan Uilyam Pilni nafaqaga kuzatish marosimida ishtirok etgan. Pil qirollik uyidagi xo‘jalik faoliyatiga javobgar bo‘lgan. Britaniya MI5 razvedkasining sobiq boshlig‘i Endryu Parker ushbu lavozimga tayinlangan.
Shahzoda Filipp 9-aprelda 99 yoshda vafot etgan. Qirolicha turmush o‘rtog‘ining vafotidan keyin mamlakatda sakkiz kunlik motam e’lon qilindi. Shahzoda Filippning dafn marosimi 17-aprelda bo‘lib o‘tadi. Marosim COVID-19 pandemiyasi tufayli ommaviy tadbirlarsiz o‘tkazilishi mumkin.
Qirolicha Yelizaveta II va shahzoda Filippning o‘g‘li shahzoda Endryu onasining otasi o‘limidan keyin ruhiy tushkunlikka tushganini bildirgan. Uning qayd etishicha, Filippning o‘limi tufayli qirolicha hayotida katta ruhiy tushkunlik yuzaga kelgan.
Izoh (0)