Toshkent va Nukus shaharlari hamda viloyat markazlarida 13-aprel kuni koronavirus infeksiyasiga qarshi yana 40 871 kishi emlandi, deb xabar bermoqda Sog‘liqni saqlash vazirligi matbuot xizmati.
O‘zbekistonda shu kungacha koronavirus infeksiyasiga qarshi emlangan fuqarolar soni 256 958 nafarga yetdi.
13-aprel kunidagi emlash ko‘rsatkichlari bo‘yicha yuqori o‘rinlarni
- Farg‘ona viloyati (7409 nafar),
- Andijon viloyati (5877 nafar),
- Samarqand viloyati (3826 nafar),
- Buxoro viloyati (3157 nafar),
- Qoraqalpog‘iston Respublikasi (3069 nafar) band qilgan.
Eslatib o‘tamiz, aholini koronavirusga qarshi emlash tadbirlari 1-apreldan viloyatlar markazlari va katta shaharlardan boshlandi. May oyida emlash tadbirlari tuman markazlari va kichik shaharlarda amalga oshiriladi. Iyun oyida esa boshqa aholi qatlami emlanadi.
Koronavirusga qarshi emlangan fuqarolarda kuzatilgan nojo‘ya ta’sirlarga qarshi kurashish maqsadida Toshkentda tashkil etilgan 81 ta emlash punkti 4 ta shifoxonaga biriktirilgan.
Izoh (0)