O‘zbekiston Prezidentining tegishli farmoni bilan Sudyalar oliy kengashi raisiga o‘rinbosar va kengash kotib tayinlandi. Bu haqda Sudyalar oliy kengashi matbuot xizmati xabar berdi.
Xususan, farmon bilan Alisher Jalilov Sudyalar oliy kengashi raisi o‘rinbosari lavozimiga tasdiqlandi.
Alisher Jalilov 1974-yilda Qashqadaryo viloyatida tug‘ilgan. Faoliyatini tuman sudining sud majlisi kotibligidan boshlagan. O‘tgan yillar davomi shahar sudi sudyasi, tuman sudi raisi, viloyat va Oliy sudda sudya lavozimida faoliyat ko‘rsatgan.Tayinlovga qadar jinoyat ishlari bo‘yicha Surxondaryo viloyati Boysun tuman sudining raisi vazifasida ishlagan.
Shuningdek, Prezident farmoni bilan Xurshid Sodiqov o‘z faoliyatini doimiy asosda amalga oshiruvchi Sudyalar oliy kengashi a’zosi – kengash kotibi lavozimiga tasdiqlangan.
Xurshid Sodiqov 1985-yilda tug‘ilgan. Faoliyati mobaynida jinoyat ishlari bo‘yicha Jizzax viloyati sudida sud majlisi kotibi, bosh mutaxassisi, Oliy sudda katta maslahatchi, bo‘lim boshlig‘i, Chinoz tumani ma’muriy sudi raisi vazifalarida ishlagan.Tayinlovga qadar jinoyat ishlari bo‘yicha Zangiota tumani sudi sudyasi lavozimida ishlagan.
Bundan O‘zbekiston Prezidentining tegishli farmoni bilan Sudyalar oliy kengashi tarkibiga o‘zgartirishlar kiritildi:
- Turg‘unboy Buvayev (bungacha O‘zbekiston Prezidenti Adminstratsiyasida bosh inspektor lavozimida faoliyat yuritgan);
- Janagul Balkibayeva (bungacha Oliy sud sudyasi lavozimida faoliyat yuritgan);
- Nodira Boboxonova (bungacha Oliy sud sudyasi lavozimida faoliyat yuritgan);
- Malikaxon Kalandarova (bungacha Sudyalar oliy kengashi huzuridagi Sudyalar oliy maktabi kafedra mudiri lavozimida faoliyat yuritgan);
- Otabek Mirzamahmudov (bungacha Andijon viloyati ma’muriy sudining raisi lavozimida faoliyat yuritgan);
- Baxram Sabirov (bungacha O‘zbekiston Prezidenti Adminstratsiyasida yetakchi inspektor lavozimida faoliyat yuritgan);
- Vahob Fayzullayev (bungacha Samarqand viloyat sudining jinoyat ishlari bo‘yicha sudyasi lavozimida faoliyat yuritgan);
- Elza Shamsutdinova (bungacha Toshkent shahar sudining jinoyat ishlari bo‘yicha sudyasi lavozimida faoliyat yuritgan) Sudyalar oliy kengashining doimiy asosda faoliyat yurituvchi a’zolari etib tasdiqlandi.
Izoh (0)