Surxondaryo viloyati Uzun tumani 13-sonli MTMda bolalarga baland ovozda baqirib, ularni qo‘rqitgan tarbiyachi ishdan bo‘shatildi. Bu haqda “Sevimli” telekanalining “Zamon” dasturida ma’lum qilindi.
Uzun tumani maktabgacha ta’lim bo‘limi rahbarining holat yuzasidan bildirgan munosabatida ta’kidlanishicha, hodisa bo‘yicha tuman prokuraturasidan taqdimnoma berilgan.
O‘rganish jarayonida mazkur bolalar bog‘chasi tarbiyachisi ishdan bo‘shatilgan, yordamchi tarbiyachiga nisbatan intizomiy hayfsan jazosi berilgan.
Avvalroq Mirishkor tumanida chilim chekkan bog‘cha opalar videosi tarqalgani va ular ishdan olingani, Farg‘onada 2 tup chinor va bir tup tolni noqonuniy kestirgan bog‘cha mudirasiga 15 million so‘m jarima yozilgani hamda Maktabgacha ta’lim vazirligi Andijonda ishini yo‘qotgan bog‘cha mudirasi o‘zini osib qo‘ygani yuzasidan rasmiy izoh bergani haqida xabar berilgandi.
Izoh (0)