Turk kinosining mashhur juftliklari bo‘sh vaqtini qanday o‘tkazadi? (foto)

Turkiya ommaviy axborot vositalari taniqli turk juftliklarining bo‘sh vaqtini qanday o‘tkazishi to‘g‘risida yillar davomida olingan intervyular yordamida ma’lumot to‘pladi, deb yozadi “RusTurkey.com”.

Burak O‘zchivit va Fahriye Evjen

Burak O‘zchivitning CNN telekanaliga bergan intervyusida Fahriye Evjen kinoga borishni yoki uyda qulay o‘rnashib, kino tomosha qilishni yaxshi ko‘radi. Shuningdek, aktyorning ta’kidlashicha, ular piyoda sayr qilish davomida yurakdan suhbatlashish yoki shunchaki jim ketgan holda bir-birini so‘zsiz tushunishni yoqtiradi

Neslihan Atagul va Kadir Dog‘ulu

Neslihan va Kadir bo‘sh vaqtida ochiq havoda, ayniqsa, yovvoyi tabiatda dam olishni juda yaxshi ko‘radi. Ular sayohatni avtomobilda emas, karvonda qilishni hamda go‘zal joylardan bahramand bo‘lishni afzal biladi.

Chag‘atay Ulusoy va Duygu Sarishin

Chag‘atay hamda uning sevgilisi Duygu chinakam dengiz muxlislaridir. Ular bo‘sh vaqtining ko‘p qismini suv bo‘yida o‘tkazadi. Shuningdek, Chag‘atay dayving bilan shug‘ullanishga jiddiy qiziqish bildirmoqda.

Halit Ergench va Berguzar Korel

Juftlik bo‘sh vaqtini uyda o‘tkazishni yaxshi ko‘radi. Shuningdek, Berguzar butun kunni pijamada o‘tkazishi ham mumkin. Bundan tashqari, yulduzlar mehmonga borishdan ko‘ra, ularni kutib olishni yaxshi ko‘radi. Ko‘pincha Berguzar romantik kechalar uyushtiradi va farzandlari hamda turmush o‘rtog‘i bilan birga zavqlanadi.