Islandiyadagi Fagradalsfyadl vulqonida yangi yoriqlar paydo bo‘ldi. Bu haqda Islandiya meteorologiya xizmati Twitter orqali ma’lum qildi, deb yozadi “Korrespondent.net”.
“Yangi yoriqlar vulqon o‘chog‘idan taxminan 700 metr shimolda joylashgan. Yoriqlar, taxminan, 100—200 metrni tashkil etadi”, — deyiladi xabarda. Meteorologlar lava maydonlari shakllana boshlaganini ma’lum qildi. Mahalliy hokimiyat vulqon hududiga kirishni taqiqladi va sayyohlarni evakuatsiya qildi.
Stop *everything* and watch this amazing drone footage of the second fissure eruption on the Reykjanes Peninsula.
— Dr Robin George Andrews 🌋☄️ (@SquigglyVolcano) April 5, 2021
(🎥: https://t.co/64Vxolgapb) pic.twitter.com/u5pnXmQu7M
Eslatib o‘tamiz, Islandiyaning janubi-g‘arbiy qismidagi Reykyanes yarimorolida 19-mart kuni olti ming yil uxlagan Fagradalsfyadl vulqoni otilgan edi. Vulqon mamlakat poytaxti Reykyavikdan taxminan 30 kilometr uzoqlikda joylashgan.
Shuningdek, Sumatra orolida Sinabung vulqoni harakatga kelgani, Sitsiliyada Etna vulqoni, Indoneziyada Levotolo vulqoni uyg‘ongani haqida xabar berilgandi.
Izoh (0)