Toshkentning Mirobod tumanida 3-aprel kuni soat taxminan 21:10 da beshta avtomobil ishtirokida YTH sodir bo‘ldi, deb xabar bermoqda YHXBB matbuot xizmati.
Mirobod tumani, Shahrisabz va Amir Temur ko‘chalari kesishgan chorrahada Lacetti, Toyota, Spark, Malibu va Nexia to‘qnashgan. Oqibatda Nexia’ning 20 yoshli haydovchisi J.S. jarohat olgan. Unga birinchi tez tibbiy yordam ko‘rsatilgan.
Mazkur YTH yuzasidan Toshkent shahar IIBB YHXB tomonidan surishtiruv harakatlari olib borilmoqda.
Avvalroq Toshkentning Amir Temur ko‘chasida Malibu va Lacetti ishtirokida sodir bo‘lgan YTH oqibatida bir kishi shifoxonaga yotqizilgani, Yunusobod tumani Buyuk Turon va Zarafshon ko‘chalari kesishgan chorrahada Lacetti hamda Spark ishtirokida to‘qnashuv oqibatida ham bir kishi shifoxonaga yotqizilgani haqida xabar berilgan edi.
Izoh (0)