Samarqand viloyati IIB Paxtachi tumanida bir guruh fuqarolar elektr energiyasi yo‘qligidan norozi bo‘lib, yo‘l bo‘yiga chiqqanligi yuzasidan ma’lumot berdi.
Ma’lum qilinishicha, 5-aprel kuni Paxtachi tumani “Saroy” mahallasida yashovchi 15-20 nafar fuqaro shu mahallada o‘rnatilgan transformator buzilganligi sababli elektr energiyasi yo‘qligidan norozi bo‘lib, M-37 yo‘lining mahalla hududidan o‘tuvchi qatnov qismini yopishga harakat qilgan.
Hodisa joyiga IIB xodimlari borib, fuqarolar bilan tushuntirish ishlari olib borgan va ular uylariga tarqatib yuborilgan.
“Hozirda ushbu mahallaga yangi transformator olib kelib o‘rnatilmoqda”, — deyiladi xabarda.
Mavzuga doir: Xatirchidagi maktabda sinf xonalari yetishmayotganidan norozi ayollar yo‘lni to‘sib qo‘ydi
Izoh (0)