Andijon viloyatining Buloqboshi tumanidagi dalalardan birida gaz yonayotganligi to‘g‘risida ijtimoiy tarmoqlarda tarqalgan xabarlar yuzasidan FVV xodimlari tomonidan o‘rganish ishlari olib borildi.
Vazirlik matbuot xizmatining xabar berishicha, o‘rganish ishlari natijasida Buloqboshi tumani “Chaqar” MFY hududidagi dala maydonida 7 oy oldin yangi neft qudug‘i topilgani ma’lum bo‘lgan. Hozirgi kunga kelib, ushbu quduqdan neft olib bo‘lingan va u yerda tegishli xizmatlarning nazorati ostida reja asosida sinov jarayonlari olib borilmoqda.
Xususan, mazkur jarayonda yerosti qudug‘idan chiqayotgan turli chiqindilar, suv aralash gaz miqdori tekshirilib, sof tabiiy gaz olish ishlari davom etmoqda.
Ushbu gaz qudug‘i dalada, aholi yashash punktidan 3 kilometr uzoqlikda joylashgani, holat tegishli idoralar tomonidan to‘liq nazoratga olingani qayd etilgan.
Avvalroq Sirdaryo va Jizzax chegarasida kuchli gumburlash ovozi eshitilgani, gaz quvuri portlagani taxmin qilinayotgani haqida xabar berilgan edi. Keyinchalik kuchli gumburlash ovozi gaz quvurining yorilishi oqibatida yuzaga kelgani ma’lum qilindi.
Izoh (0)