Tayvanning Xualyan uyezdida yo‘lovchi poyezdi izidan chiqib ketdi, deb xabar beradi “RBK” mamlakat Markaziy axborot agentligiga tayanib.
“Transport politsiyasi ma’lumotlariga ko‘ra, ayni paytda to‘rt kishining o‘limi tasdiqlangan, 36 kishi tiriklik belgilarisiz topilgan, 72 kishi poyezdda qamalib qolgan, 61 kishi kasalxonaga yotqizilgan”, — deyiladi xabarda.
Kamida 36 kishi yo‘lovchi poyezdi bilan bog‘liq halokat qurboni bo‘ldi, yana 70 dan ortig‘i jarohat oldi, deb yozmoqda Reuters orol transport ma’muriyatiga tayanib.
Poyezd tunnel orqali yurib o‘tayotib, relsdan chiqib ketgan, vagonlarning bir qismi tunnel devoriga borib urilgan. Halokat chog‘ida poyezdda 350 ga yaqin yo‘lovchi bo‘lgan. Vagonlar soni 8 ta bo‘lgan.
Agentlik ma’lumotlariga qaraganda, poyezd tunnel ichidan o‘tishda yo‘lni toshlardan tozalayotgan texnika bilan to‘qnashib ketgan. Ayni paytda qutqaruv operatsiyasi davom etmoqda, hozircha 100 nafar yo‘lovchi evakuatsiya qilingan.
“Pingo jibao” nashri yozishicha, dastlabki ma’lumotlarga qaraganda, relsga 20 metr balandlikdan qiyalikka noto‘g‘ri parkovka qilingan yuk mashinasi tushib ketgan, uning tormozlari nosoz bo‘lgan.
Reuters ushbu temir yo‘l halokatini Tayvanda so‘nggi 40 yil ichidagi eng yirigi deb atamoqda. So‘nggi marta Tayvanda yirik temir yo‘l halokati 2018-yil oktabrida sodir bo‘lgan, o‘shanda Puyuma Express tezyurar poyezdi Ilan uyezdida izidan chiqib ketgan edi. Oqibatda 22 kishi halok bo‘lgan, 170 dan ortiq odam jarohat olgan edi. 1981-yilda poyezd halokati oqibatida 31 kishi qurbon bo‘lgandi.
Taïwan : Un train a déraillé dans un tunnel dans l'est de Taïwan, les pompiers disent qu'il y aurait des victimes
— Rebecca Rambar (@RebeccaRambar) April 2, 2021
Le train, qui allait à Taitung, a déraillé dans un tunnel juste au nord de Hualien, provoquant le choc de certains wagons contre le mur du tunnel. pic.twitter.com/CPh12J8d1v
Izoh (0)