Noodatiy ko‘rinishga ega ananasli pirog tayyorlaymiz 

Pirogning nafaqat ko‘rinishi, balki mazasi ham o‘zgacha.

Kerakli mahsulotlar:

• sariyog‘ − 150 gramm;
• jigarrang shakar − 50 gramm;
• konservalangan ananas;
• un − 100 gramm;
• shakar upasi − 100 gramm;
• qabartma (razrixlitel) − 1 choy qoshiq;
• tuxum − 2 dona;
• vanil − 1 choy qoshiq;
• ananas siropi − 2 osh qoshiq;
• konservalangan gilos.

1. 50 gramm sariyog‘ va shakar krem holiga kelguncha aralashtiriladi.
2. Qolipning to‘rtdan bir qismiga suriladi. So‘ngra ananas halqalari va uning o‘rtasiga gilos donachalari teriladi.
3. Alohida idishda sariyog‘, un, shakar upasi, qabartma, tuxum, vanil va ananas siropi yaxshilab aralashtiriladi.
4. Tayyor bo‘lgan massa ananas ustidan bir tekisda quyiladi.
5. Pirog 180 darajada taxminan 35 daqiqa davomida pishiriladi.
6. Tayyor bo‘lgan pirog 5-10 daqiqaga qoldiriladi. So‘ngra ananaslar yuzada bo‘lishi uchun qolipni to‘nkarib, pirog ajratib olinadi.