O‘zbekistonda 1-apreldan boshlab “Saxovat” internat uylari, urush va mehnat faxriylari hamda respublika pansionatida yashovchi yolg‘iz pensionerlarga shaxsiy sarf-xarajatlari uchun to‘lanadigan oylik pensiya miqdori 10 foizdan 20 foizgacha oshiriladi.
Bu haqda “Keksalar va nogironligi bo‘lgan shaxslarni ijtimoiy qo‘llab-quvvatlash, “Saxovat” va “Muruvvat” internat uylari tizimini yanada rivojlantirish to‘g‘risida”gi Prezident farmonida belgilab qo‘yildi.
Shuningdek, farmonga muvofiq, 1-apreldan “Saxovat” va “Muruvvat” internat uylari hamda urush va mehnat faxriylari uchun respublika pansionatining:
- rahbar va shifokorlar oylik lavozim maoshi 1,5 barobarga;
- o‘rta va kichik tibbiyot xodimlari oylik lavozim maoshi 2 barobarga;
- boshqa barcha xodimlar oylik lavozim maoshi 1,2 barobarga oshiriladi.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari Turizmni rivojlantirish davlat qo‘mitasi bilan birgalikda mahalliy budjet mablag‘lari hisobidan belgilangan tartibda turoperatorlar va turagentlar bilan shartnoma tuzgan holda muntazam ravishda “Saxovat” internat uylaridagi keksalarning respublikamizdagi diqqatga sazovor joylari va ziyoratgohlarga tashriflarini uyushtiradi.
Davriy ravishda uyda yashovchi, o‘zgalar yordamiga muhtoj yolg‘iz keksalar va faxriylar holidan xabar olish hamda ularga ijtimoiy-maishiy xizmat ko‘rsatish choralarini ko‘rishi lozim.
Izoh (0)