Xorazm viloyati Urganch shahar IIO FMB ijtimoiy tarmoqlarda yarimyalang‘och holda sumalak pishirayotgan ayol-qizlar tasvirlangan videoga oid holatni o‘rganishni boshlagani to‘g‘risida xabar berilgandi. Ijtimoiy tarmoqlarda ushbu ayollarning kechirim so‘ragani tasvirlangan video paydo bo‘ldi.
21-mart kuni ijtimoiy tarmoqlarda Urganch shahridagi “Sahara” kafesi oldida shu kafeda ishlovchi bir guruh xotin-qizlar yarimyalang‘och kiyingan holda sumalak pishirayotganliklari aks etgan video tarqalgandi. Ijtimoiy tarmoq foydalanuvchilari tomonidan keskin tanqid qilingan ushbu videolavhada aks etgan holat yuzasidan hozirgi kunda Urganch shahar IIO FMB tomonidan surishtiruv ishlari olib borilmoqda.
Viloyat IIB axborot xizmati rahbari Zokir Ismoilovning so‘zlariga ko‘ra, videolavhada aks etgan barcha ishtirokchilarning shaxsiga aniqlik kiritilgan.
Keskin tanqidlardan keyin ijtimoiy tarmoqlarda ushbu ayol-qizlarning qilgan ishlaridan kechirim so‘rab chiqqani tasvirlangan video paydo bo‘ldi. “Uzr, bilmay qilibmiz, kechirasiz”, deyiladi qisqa videoda.
Izoh (0)