Sirdaryoda otasiz o‘sgan, onasining yolg‘iz farzandi bo‘lgan 18 yoshli yigit qarindoshi tomonidan o‘n marotaba pichoq urilib, o‘ldirildi. Bu haqda marhumning tanishlariga tayanib, “Sirdaryo xabarlari” nashri xabar berdi.
Sirdaryo viloyati prokuraturasi sodir bo‘lgan fojiani tasdiqlagan.
Idoraning ma’lum qilinishicha, fuqaro X.M. 18-mart kuni soat 14:40 larda pul mablag‘larini qo‘lga kiritish maqsadida qarindoshi (xolavachchasi) Guliston shahar “Navbahor” mahallasida yashovchi fuqaro I.M.ning uyiga boradi va pichoq bilan uning badaniga o‘n marotaba urib, qasddan o‘ldirgan.
Hozirda Sirdaryo viloyat prokuraturasi tomonidan dastlabki tergov harakatlari olib borilmoqda.
Avvalroq Navoiyda pochchasi bilan ichkilikbozlik qilgan uka opasini pichoqlab o‘ldirib qo‘ygani, Farg‘onada kelinini pichoqlab o‘ldirgan qaynota 10 yilga ozodlikdan mahrum qilingani, Samarqandda ikki yigitning o‘zaro janjali birining pichoqlab o‘ldirilishi bilan yakunlangani, Andijonda er ishdan kech kelgan 21 yoshli ayolini urib, o‘ldirib qo‘ygani to‘g‘risida xabar berilgandi.
Izoh (0)