19-mart kuni Toshkent shahrining Yangihayot tumani ayrim hududlarida ta’mirlash ishlari tufayli gaz ta’minoti vaqtincha to‘xtatiladi. Bu haqda “Hududgaz poytaxt” matbuot xizmati xabar berdi.
Ma’lum qilinishicha, soat 11:00—17:00 vaqt oralig‘ida tumanning “Sputnik” 5-, 7-, 15-mavzelaridagi ko‘p qavatli 30 ta uyning — 976 ta aholisi va 11-, 12-, 13-, 14-mavzelaridagi Chortoq, Rayhon va Daryo bo‘yi ko‘chalaridagi — 1377 ta yerli xonadon hamda manzildagi 69 ta ulgurji iste’molchi tabiiy gaz ta’minotidan vaqtincha uziladi.
Ta’mirlash ishlari tugatilgandan so‘ng, tabiiy gaz ta’minoti qayta tiklanadi. “Hududgaz poytaxt” gaz ta’minoti filiali ta’mirlash ishlari tufayli yetkazilayotgan noqulayliklar uchun aholi va gaz iste’molchilaridan uzr so‘raydi.
Eslatib o‘tamiz, 10-mart kuni ham Yangihayot tumanida olib borilgan ta’mirlash ishlari sabab ayrim hududlarda gaz ta’minoti vaqtincha to‘xtatilgan edi.
Izoh (0)