Gollivudda 12-mart kuni kechasi Teachr1 nomi ostida ijod qiluvchi ko‘cha rassomi tomonidan chizilgan graffiti paydo bo‘ldi, deya xabar bermoqda Elle nashri.
Rasmda Megan Markl amerikalik mashhur boshlovchi Opra Uinfriga bergan shov-shuvli intervyusidagi libosda tasvirlangan. Muallif graffiti ostiga odatdagidek ramziy yozuv qoldirgan: “Tinchlik saqla va haqiqatni gapir”.
Avvalroq shahzoda Garri va uning oilasi Kaliforniyaga ko‘chib o‘tganidan bir oy o‘tgach, Gollivud tepaliklarida “Tinchlik saqla va qo‘llaringni yuv” yozuvli graffiti paydo bo‘lgandi. Aftidan, mazkur graffiti ko‘cha rassomining shu mavzudagi ishlarining dastlabkisi bo‘lgan.
Eslatib o‘tamiz, shahzoda Garri va Megan Markl Opra Uinfriga bergan ikki soatlik intervyusida Megan rasizm va suitsid o‘ylari, Garri otasi bilan nizo haqida gapirib bergan. 7-mart kuni Amerika vaqti bilan soat 20:00 da CBS telekanalida namoyish etilgan ushbu intervyu shov-shuvga aylandi. Butun dunyo Britaniya monarxiyasi bu zarbaga qanday dosh berishini muhokama qila boshladi. Buyuk Britaniya qirolichasi Yelizaveta II esa nabirasining intervyusiga baho berish uchun unga biroz vaqt kerakligini aytgan.
Mavzuga doir:
- Britaniya qirollik oilasi Megan Marklning irqchilik masalasi haqidagi bayonotini o‘rganib chiqishga va’da berdi
- Megan Marklning otasi qizining intervyuda aytgan gaplariga e’tiroz bildirdi
- Buyuk Britaniya qirollik oilasi o‘zini har qanday sharmandalikdan xalos etishga qodir. Buning uchun qirollik OAVdan qay tarzda foydalanadi?
Izoh (0)