11-mart kuni Yangiyo‘l shahrida “Bekobodsement” AJning masofaviy ishlab chiqarish bo‘linmasi – Yangiyo‘l sementni yanchish stansiyasining ochilishiga bag‘ishlangan taqdimot marosimi o‘tkazildi. Tadbirda rahbariyat vakillari, amaldagi va bo‘lg‘usi hamkorlar hamda OAV vakillari qatnashdi. Tadbir ishlab chiqarish maydoni bo‘ylab ko‘rgazmali ekskursiya bilan yakunlandi.
“Bekobodsement” AJning sifat bo‘yicha direktori Yelena Koshevaya zavod faoliyati, sement yanchish stansiyasi, ishlab chiqarilayotgan mahsulot va joriy etilgan innovatsiyalar haqida batafsil gapirib berdi.
“Yangiyo‘l sement yanchish sexi O‘zbekistondagi eng yoshi ulug‘ zavodlardan biri – “Bekobodsement” AJ tarkibiga kiradi. Bu yil korxona o‘zining 95 yillik yubileyini nishonlaydi. Asosiy iste’molchilarimiz Toshkentda va Toshkent viloyatida bo‘lgani uchun biz aynan Yangiyo‘lda sement yanchish stansiyasini ochishga qaror qildik. Sexning ishga tushishi logistika bilan bog‘liq muammolarimizni hal qilishga va mahsulot yetkazib berish borasida chaqqonroq bo‘lishimizga imkon beradi. Yangiyo‘ldagi sement yanchish stansiyasi o‘z faoliyatini rasman shu yil yanvar oyida boshladi. Biz bir yil davomida retsepturani to‘g‘rilab chiqish va uni “oqimga” qo‘yish ustida ishladik. Mahsulot bilan bozorga chiqish uchun juda katta tayyorgarlik ishlari olib borildi. Endi “Bekobodsement” AJ mahsulotini xarid qiluvchi mijoz sifatni ham sotib oladi.
Mahsulotimiz assortimenti katta, masalan, sulfatga chidamli sement – u tajovuzkor muhitlarga chidamli bo‘lgan qurilish materialiga ehtiyoji borlar uchun mo‘ljallangan. PS 400, D 20, PPS 400 markasidagi sementlarni ishlab chiqaramiz, monolit uy qurilishi sohasida ishlaydiganlar uchun markasi yuqori bo‘lgan sementimiz bor. Shuningdek, 500 markali sementni ham ishlab chiqaryapmiz. Ayni paytda bunday sement O‘zbekistonga qo‘shni mamlakatlardan olib kelinmoqda. Mahalliy ishlab chiqaruvchilar ham sifati undan qolishmaydigan mahsulotni ishlab chiqarishi mumkin.
Korxona quvvati sutkasiga 3300 tonna sementni, yillik quvvat esa 1 million tonna mahsulotni tashkil qiladi. Bu yil 700 ming tonna sement sotishni rejalashtirganmiz. Korxonada 150 ta ish o‘rni yaratilgan bo‘lib, ularning 85 foizini Yangiyo‘ldagi ishchilar tashkil qiladi. Mahalliy aholi bandligini ta’minlash biz uchun prinsipial masala edi”, — deydi Yelena Koshevaya.
“Bekobodsement” AJ laboratoriyasi va Yangiyo‘l sement yanchish stansiyasi sement, beton tahlilini o‘tkazish uchun uskunalar bilan to‘liq jihozlangan hamda o‘qitilgan, yuqori malakali xodimlar bilan ta’minlangan. 2020-yilda laboratoriyani rivojlantirishga 600 000 AQSh dollaridan ortiq mablag‘ yo‘naltirildi. Xomashyo materiallari, qo‘shimchalar va mahsulotni nafaqat kimyoviy tarkibi bo‘yicha, balki asosiy mineral fazalarni o‘z ichiga olishi bo‘yicha ham tayyorlash va tahlil qilish uchun uskunalar xarid qilindi.
Laboratoriya har yili O‘zDSt ISO/IEC 17025 talablariga muvofiqlik bo‘yicha akkreditatsiyadan o‘tadi.
Kelajak rejalari
Korxonaning yaqin rejalarida o‘z iste’molchilarini texnik jihatdan qo‘llab-quvvatlash darajasini batafsil hamrohlik qilishgacha ko‘tarish, bunda nazorat, qurilish maydoni joylashishidan qat’iy nazar, bevosita o‘sha yerning o‘zida amalga oshirish ko‘zda tutilgan. Shuningdek, mobil qurilish laboratoriyasi ham shakllantiriladi.
Laboratoriyaning maqsadi mobil brigadaning joylarga chiqib, beg‘arazlik asosida beton qorishmalar va gruntlardan namuna olish hamda ekspress tahlillarni o‘tkazishdan iborat.
“‘Bekobodsement’ AJ bilan hamkorlik qilayotganimizga hali ko‘p bo‘lgani yo‘q, bunga 3 oylar bo‘lib qoldi. Biznes bo‘yicha hamkasblarimiz ularni sifatli sement ishlab chiqaruvchi, ishonchli hamkor sifatida tavsiya etgan edi. Qurilish kompaniyamiz sementning bildirilgan sifatga muvofiqligi bo‘yicha o‘z laboratoriya tadqiqotini o‘tkazdi.
Bugun sement yanchish stansiyasi bo‘ylab ekskursiyada bo‘lganimizdan va ishlab chiqarish jarayonini shaxsan ko‘rib, o‘zimizni qiziqtirgan tafsilotlarni bilib olganimizdan juda mamnunmiz. Bu yetkazib beriladigan tovarlar va xizmatlar sifatiga asoslangan uzoq muddatli hamkorlik bo‘lishiga umid qilamiz”, — deydi Aleksandr Xamzin, “Beton Qurilish Servis” MChJ direktori.
Reklama huquqi asosida.
Izoh (0)