Toshkent vaqti bilan 7-mart tongida bo‘lib o‘tgan UFC 259 musobaqasidan keyin UFC reytingi yangilandi.
Umumiy ro‘yxatda qator o‘zgarishlar kuzatildi. Yarim og‘ir vazn chempionligi uchun kechgan jangda Yan Blahovichga yutqazgan Israel Adesanya umumiy reytingda uch pog‘ona pastlab, 6-o‘ringa tushib ketdi, Blahovich esa 6 pog‘ona yuqoriladi va 8-o‘rindan joy oldi.
Taqiqlangan zarba tufayli kamardan quruq qolgan Pyotr Yan (12-o‘rin) ikki pog‘ona pastladi. O‘ta yengil vazn toifasining yangi chempioni Aljemeyn Sterling esa umumiy reytingning 15-pog‘onasida qayd etildi.
Islom Maxachev yengil divizion reytingida uch pog‘ona yuqorilab, 11-o‘ringa ko‘tarildi.Umumiy ro‘yxat bilan ushbu havola orqali tanishing.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)