O‘zbekistonda 2021—2022-yillarda elektroskuterlar ishlab chiqaruvchi to‘rtta korxona faoliyatini yo‘lga qo‘yish rejalashtirilgan. Bu haqda Prezidentning “Elektrotexnika sanoatini yanada rivojlantirish va mahalliy mahsulotlarning raqobatbardoshligini oshirishga doir qo‘shimcha chora-tadbirlar to‘g‘risida”gi qarorida so‘z boradi.
Loyihalarning barchasi xususiy va ular tashabbuskorlar mablag‘lari evaziga ishga tushiriladi. Ularning uchtasi “Qo‘qon” erkin iqtisodiy zonasi hududida joylashadi:
- Bicycle Tranding Invest yiliga 4,5 mingta elektroskuter ishlab chiqarish uchun 1,5 million dollar sarmoya kiritgan. Ishlab chiqarish 2021-yilning noyabriga rejalashtirilgan;
- Story Plast yiliga 1500 elektroskuter, 1500 elektromotoroller va 500 ta velosiped ishlab chiqarish uchun 505 ming dollar sarmoya tikka. Ishlab chiqarish 2022-yilning martiga rejalashtirilgan;
- “Velomask” yiliga 20 ming elektroskuter ishlab chiqarish uchun 4 million dollar mablag‘ tikkan. Ishlab chiqarish 2022-yilning dekabriga rejalashtirilgan.
Avvalroq O‘zbekistondagi elektrotexnika va elektromaishiy mahsulotlarni ishlab chiqaruvchilar yangi imtiyozlarga ega bo‘lgani to‘g‘risida xabar berilgandi.
Izoh (0)