Amazon “Gitler mo‘ylovi” sabab logotipini o‘zgartirdi

Amazon kompaniyasi smartfonlar uchun mo‘ljallangan mobil ilovasining ikonasi “Adolf Gitlerning tabassumi va mo‘ylovi”ga o‘xshagani uchun uni almashtirdi, deb xabar beradi “Korrespondent.net”.

2021-yilning boshida Amazon o‘zining mobil dasturi ikonasining yangi variantini taqdim etgan bo‘lib, uning dizayni asosini ko‘pchilikka tanish bo‘lgan ko‘k skotchli quti tashkil etgan.

Ikonaning pastki qismida IT-gigantning rasmiy logotipidan o‘rin olgan “strelka-tabassum” joylashgan. Biroq ushbu variant ijtimoiy tarmoqlar foydalanuvchilar orasida turli bahs-munozaralarga sabab bo‘lgan.

Ayrimlar unda “Gitlerning tabassumi”ni aniq ko‘rgan.

https://twitter.com/NathanCudgel/status/1366866154720014337

Oradan bir oy o‘tgach, Amazon ikonani press-reliz va rasmiy bayonotlarsiz o‘zgartirgan. “Vau, Amazon yangi ikonasi Gitlerga u qadar o‘xshamasligi uchun uning yangi variantini chiqarganini hatto men ham sezmay qolibman”, — deb yozadi Twitter foydalanuvchilaridan biri.

https://twitter.com/alexhern/status/1366396140116131842

Yana bir foydalanuvchi esa endilikda logotip “Avatar” nomli multserial qahramoniga o‘xshab qolganini yozgan.

https://twitter.com/flipboitamidles/status/1365353610939273220