Vashingtonda Ilani kazinosi o‘zining ochilishini noodatiy tarzda nishonladi: uning rahbariyati ikkita yesa bo‘ladigan avtomobil o‘rtasida poyga uyushtirgan. Poygada g‘olib bo‘lgan bolid-tort birdaniga ikkita rekord o‘rnatgan — eng katta masofani bosib o‘tgan iste’mol qilishga yaroqli dunyodagi eng tezkor mashina, deb yozadi Motor.
Bunga qadar xot-rodlarni yaratishga ixtisoslashgan atelyega egalik qilgan Elder o‘z “mashinalari” uchun asos sifatida alyuminiy shassidan foydalangan. O‘qlari va yengil g‘ildiraklari bilan uning og‘irligi 29,4 kilogrammni tashkil etgan. Shundan so‘ng, qandolatchilar jamoasi tortni qavatma-qavat joylashtirib chiqib, unga shakl bergan va bo‘yagan. Oq avtomobil uchun 139 bo‘lak tortdan foydalanilgan bo‘lsa, qorasiga 145 bo‘lak kerak bo‘lgan.
“Formula-1” poygachisi Maykl Andretti ikkala rekordni o‘rnatgan mashinani boshqargan. Oq avtomobil Andretti 1991-yilda Indicar seriyasida ishtirok etgan bolid ko‘rinishida tayyorlangan, qora esa uning otasi Marioning poyga avtomobili nusxasiga aylangan.
Andrettining avtomobili iste’mol qilish mumkin bo‘lgan dunyodagi eng tezkor transport vositasiga aylandi — soatiga 27,5 kilometr tezlik va bu turdagi mashinalar orasida eng uzoq masofani bosib o‘tdi — 107 metr. Shundan so‘ng, shirin mashina finishga yetib kelgan va u tantanali ravishda kesilib, boshpanasizlar uchun mo‘ljallangan xayriya tashkilotiga topshirilgan.
Izoh (0)