Priyanka Choprani yaqindan bilishga turtki bo‘luvchi u haqdagi avval e’lon qilinmagan 11 ta ma’lumot

Bollivud go‘zali, iste’dodli aktrisa Priyanka Chopra tomonidan yozilgan va 2021-yilning 9-fevral kuni ilk marta nashrdan chiqqan “Tugallanmagan” deb nomlangan memuar kitobda aktrisa o‘zi haqida hammaga ham ayon bo‘lmagan voqea va hodisalar haqida to‘xtalib o‘tgan.

Uni internat maktabga yuborgani uchun ota-onasidan qattiq xafa

Uyda bo‘lgan tortishuvdan keyin ota-onasi tomonidan internat maktabga yuborilgan aktrisa, u yerdagi birinchi hafta darhaqiqat qiyin kechganini ta’kidlagan. Onasi kelganida qanchalik xursand bo‘lsa, ketayotganida shunchalik kuyingan. Priyanka ayriliq sabab ko‘z yoshlarini yashira olmagan, onasi ham o‘zini bazo‘r tiyib turgan. Shunga qaramay u bora-bora maktabini yaxshi ko‘rib qolgan, tartibga o‘rgangan va ko‘plab do‘st orttirishga muvaffaq bo‘lgan.

Otasi hayotini saqlab qolgan askar hikoyasi

Kitobda uning otasi Ashok Chopra bilan bog‘liq xotira va voqealarni ko‘plab uchratish mumkin. Unda yozilishicha, Ashok xavfli harbiy hududda yaralangan va jarohatlangan bemorlarga yordam berish uchun Lexga yuboriladi. Boshidan o‘q bilan yaralangan, yarimjon askar undan oilasiga vatan uchun o‘lishga rozi ekani hamda u o‘z vazifasini bajarganini aytishni iltimos qiladi. Bunga javoban Ashok o‘zing aytasan, deb javob beradi. Shifokor harbiy yigit hayotini saqlab qolishga muvaffaq bo‘ladi. Aktrisa otasining o‘limidan yigirma yil o‘tganidan keyin o‘sha askar ularnikiga kelgani va bir vaqtlar boshidan olib tashlangan o‘qni shuncha yil davomida saqlab yurganini qo‘shimcha qiladi.

Priyanka “Yulduzli tun” suratiga teggani uchun Zamonaviy san’at muzeyidan quvib chiqarilgan

Priyanka o‘smir paytida Nyu-Yorkdagi Zamonaviy san’at muzeyiga oila a’zolari bilan birga borgan. “Yulduzli tun” nomli suratga shunchalik maftun bo‘lganidan unga qo‘li bilan tegib ko‘rgan, shundan keyin muzey xodimlari tomonidan chiqarib yuborilgan.

Birinchi sevgisi va yuragi parchalangani haqida

Aktrisa ilk ko‘ngil qo‘ygan insoni Bob bilan bo‘lgan munosabatlariga ham to‘xtalib o‘tgan. Indiana shtatidan Nyu-Yorkka ko‘chib o‘tganidan keyin ham Bob bilan munosabatlarini davom ettirmoqchi bo‘lgan. Elektron pochta orqali maktub yozib turgan Chopra Bob u ketganidan keyin eng yaqin dugonasi bilan uchrashishni boshlagani haqida bilib qolgan.

Massachusets, Nyutonda uning ustidan kulishgan

Nyutondagi maktabda o‘qib yurgan vaqti boshqalarga o‘xshamagani sabab uni o‘smir qiz va yigitlar ta’qib qilib, “o‘z olami”, vataniga qaytishni so‘ragan. O‘ziga bo‘lgan ishonchi so‘ngan Priyanka 16 yil avval Hindistonga qaytgan.

Hindiston go‘zali tanloviga uni akasi va onasi yozdirib kelgan

Akasi Siddxart “Hindiston go‘zali” tanlovi e’lon qilingani haqidagi reklamani ko‘rib, singlisini ushbu tanlovda ishtirok etishi kerak, deb hisoblagan. Sidd va onasi uning nomidan anketa to‘ldirgan, keyinchalik aktrisa akasi buning barini xonasini qaytarib olish uchun qilganini bilib qolganini ta’kidlagan. Priyanka pasportga suratga tushayotganida fotosuratchi unga modellarnikiga o‘xshash qo‘shimcha kadrlar olishni taklif qilgan. Tanlovga topshirilgan va unga omad olib kelingan ushbu surat bugungi kunda Bareylidagi “Suri” fotostudiyasining devorini bezab turadi.

Mashhur rejissor unga shilqimlik qilgan

Go‘zallik tanlovida g‘olib bo‘lganidan keyin aktrisa menejeri bilan birga mashhur prodyuserning yoniga borgan. Unga plastik operatsiya qildirishi kerakligini aytgan va yomon ko‘z bilan qaraganini sezgan Priyankaning jahli chiqqan hamda hafsalasi pir bo‘lib qaytgan.

Muvaffaqiyatsiz operatsiyasidan keyin filmlardan taklif kelmagan

Go‘zallik tanlovidagi ishtirokidan keyin shifokorlar Priyankaning burnida jarrohlik yo‘li bilan olib tashlash kerak bo‘lgan polip borligini aniqlaydi. Tashqi ko‘rinishiga ta’sir qilgan mazkur muvaffaqiyatsiz urinishdan keyin bir necha marta operatsiya qildirishiga to‘g‘ri kelgan. Shundan keyin matbuotda “plastik Chopra” deb atala boshlagani yetmagandek, rejissorlar suratga tushish bilan bog‘liq shartnomalarni bekor qila boshlagan, taklif esa bo‘lmagan.

Oqartiradigan krem reklamasida suratga tushgani uchun afsuslanadi

Ortga nazar tashlab, bu karyerasidagi eng katta xatolardan biri ekanini va inson terisining rangidan qat’i nazar, teng bo‘lishi kerakligini ta’kidlagan aktrisa bunday reklama uchun barchadan kechirim so‘raydi.

Ritik Roshan aktrisaning otasining davolanishiga yordam bergan

Priyanka otasining davolanishiga bergan yordami uchun “Krish” filmidagi hamkasbi Ritik va uning otasi Rakeshgaminnatdorchiligini izhor qiladi.

Sevimli iti Diana Chopra Jonasni qayerda uchratgani haqida

Buzzfeed nashriga intervyu berayotgan vaqti Priyankadan itlar bilan o‘ynash jarayonida savollarga javob berish so‘ralgan. Mitti yoqimtoy it Burberry tuflisini tishlamoqchi bo‘lganida aktrisa uning didi chakki emasligiga amin bo‘lgan va itni yoqtirib qolgan.