Rossiyaning “Sputnik V” vaksinasining dastlabki partiyasi 23-fevral kuni San-Marino respublikasiga yetkazib berildi. Bu haqda mamlakat elchixonasi bergan ma’lumotga tayanib “RIA Novosti” xabar qildi.
“‘Sputnik V’ vaksinasining dastlabki partiyasi San-Marinoga 23-fevralda yetkazib berildi. San-Marino respublikasi hamda Rossiya to‘g‘ridan to‘g‘ri investitsiyalar jamg‘armasi o‘rtasidagi kelishuv ikki tomonlama hamkorlikni yanada mustahkamladi. San-Marino Rossiya preparatining koronavirus infeksiyasi profilaktikasidagi samaradorligini tan olgan 30-mamlakat”, – deyilgan diplomatik missiyaning bayonotida.
Shuningdek, Gayana Sog‘liqni saqlash vazirligi ham “Sputnik V” vaksinasini mamlakatda ro‘yxatdan o‘tkazgan. Gayana mazkur preparat bilan aholisini emlaydigan 33-davlat bo‘ldi.
20-fevral kuni Rossiyaning “Sputnik V” vaksinasi Ganada ro‘yxatdan o‘tkazilgan. Ro‘yxatdan o‘tish favqulodda vaziyatlarda foydalanish uchun avtorizatsiya (EUA) ostida amalga oshirilgan. Gana ushbu vaksinani ro‘yxatdan o‘tkazgan dunyodagi 31-davlat va Afrika qit’asidagi Rossiya Gamaleya instituti vaksinasini tasdiqlagan beshinchi mamlakatga aylangan.
Ilgari ushbu vaksina Belarus, Argentina, Boliviya, Jazoir, Serbiya, Paragvay, Suriya, Falastin, Qirg‘iziston, Venesuela, BAA, Turkmaniston, Vengriya, Eron, Gvineya, Tunis, Armaniston, Livan, Meksika, Nikaragua, Myanma, Qozog‘iston, Pokiston, Mo‘g‘uliston, Bahrayn, Chernogoriya, O‘zbekiston va Gabonda ro‘yxatdan o‘tkazilgan.
Izoh (0)