AQShning Texas shtatida milliondan ortiq aholi sovuq havo va qor bo‘roni tufayli elektr energiyasidan uzilib qoldi. Bu haqda maxsus “Poweroutage.com” portaliga asoslanib “RIA Novosti” xabar berdi.
Portalning ma’lumot berishicha, 15-fevral holatiga ko‘ra, Texasda 12 million aholining 1 million 75 ming 85 nafari chiroqsiz qoldi.
Texas elektrotexnika qurilmalari ishonchliligi muammolari bo‘yicha kengash (ERCOT) 14-fevral, yakshanba kuni xabar berishicha, shtatda shamol parraklarining yarmi muzlab qolishi oqibatida ishdan chiqqan. Bu esa 12 ming megavatt elektr energiyasining yo‘qolishiga olib kelgan. Bundan tashqari, elektrostansiyada gaz yetkazib berish cheklangan.
Shuningdek, bo‘ron paytidagi kuchli shamol tufayli Meksika ko‘rfazi sohilidagi muzlamay qolgan shamol parraklari kutilganidan ko‘ra ko‘proq elektr energiyasi ishlab chiqaryapti.
Mavzuga doir:
- Istanbulda kuchli qor yog‘ishi tufayli barcha o‘quv muassasalari yopildi
- Qorga botgan Yevropa, baxtli poni, to‘ntarishga qarshi namoyish. 9-fevral suratlari
- Kuchli qor, anomal sovuq va muzli yomg‘ir. Dunyo mamlakatlari 2021-yilni qanday ob-havo bilan boshladi? (foto)
- Foto: 50 yilda birinchi marta qorga ko‘milgan Ispaniya
Izoh (0)