Futbol bo‘yicha Angliya Premyer Ligasining 24-turidan o‘rin olgan so‘nggi ikki uchrashuv 15-fevral, dushanba kuni bo‘lib o‘tdi.
Tomas Tuxel boshchiligidagi “Chelsi” o‘z uyida “Nyukasl” jamoasini qabul qildi. Uchrashuvning 31-daqiqasida Olivye Jiru mezbonlarni oldinga olib chiqdi. 8 daqiqa o‘tgach Timo Verner “Chelsi”ning ishonchli g‘alabasini ta’minladi.
Shunday qilib “aristokratlar” 24-turdan so‘ng 42 ochko bilan 4-o‘rinda bormoqda. “Nyukasl” (25) 17-o‘rinda qayd etilgan.
Ushbu turning yana biri bellashuvi “Vest Hem” va “Sheffild Yunayted” jamoalari o‘rtasida kechdi. Unda Devid Moyes shogirdlari yaqqol ustunlik qildi. Bu hisobda ham o‘z aksini topdi — 3:0.
24-turdan keyin musobaqa jadvali quyidagi ko‘rinishga keldi:
APL
24-tur bahslari
15-fevral, dushanba
“Chelsi”—“Nyukasl” 2:0
Gollar: 1:0 – 31 Jiru, 2:0 – 39 Verner.“Chelsi”: Arrisabalaga, Aspilikueta, Ryudiger, Kristensen, Alonso, Kovachich, Jorjino, Maunt (Kante, 70), Hadson-Odoi (Jeyms, 78), Abraham (Jiru, 20), Verner.
“Nyukasl”: Darlou, Lassels, Kraft, Lyuis, Klark, Heyden, Uillok (Kerroll, 79), Shelvi, Almiron, Sen-Maksimen (Freyzer, 72), Geyl (Joelinton, 64).
“Vest Hem”—“Sheffild Yunayted” 3:0
Gollar: 1:0 – 41, penalti Rays, 2:0 – 58 Diop, 3:0 – 90 Frederiks.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)