Toshkentning Yangihayot tumanidagi ayrim ko‘chalar avtomobillar harakati uchun vaqtincha yopiladi. Bu haqda tuman hokimligi matbuot xizmati xabar berdi.
Ma’lum qilinishicha, 14-fevral kuni tumandagi “Tashabbus”, “Yangiumid” va “Yangiturmush” mahallalari o‘rtasida joylashgan Mehrigiyo ko‘chasida “Yoshlar bilan yangi hayot quramiz” deb nomlangan konsert dasturi bo‘lib o‘tadi.
“Shu munosabat bilan 14-fevral soat 07:00 dan 22:00 gacha Yangihayot tumani, Mirzo Tursunzoda va Qo‘rg‘ontepa ko‘chalari oralig‘idagi Mehrigiyo ko‘chasi avtomobillar harakati uchun vaqtincha yopilishini ma’lum qilamiz”, — deyiladi xabarda.
Izoh (0)