O‘zbekistonda o‘zini o‘zi band qilgan shaxslar 597 mingdan oshdi. Bu haqda Iqtisodiy taraqqiyot va kambag‘allikni qisqartirish vazirligi ma’lum qildi.
Ta’kidlanishicha, ular o‘zini o‘zi band qilgan shaxs sifatida mobil ilova, soliq to‘lovchining shaxsiy kabineti hamda soliq idoralaridan ro‘yxatdan o‘tgan.
Xususan, qishloq xo‘jaligi yo‘nalishida 137 ming 120 kishi, maishiy xizmatlar 172 ming 179 nafar, xalq iste’moli mollari ishlab chiqarish va xizmatlar ko‘rsatish 66 ming 579, sanoat yo‘nalishida 99 ming 555, axborot-kommunikatsiya yo‘nalishida 10 ming 947 va ijtimoiy yo‘nalishlar bo‘yicha xizmatlar sohasida 110 ming 705 kishi ro‘yxatga olingan.
Bundan avval O‘zbekistonda endi o‘zini o‘zi band qilgan fuqarolar mobil ilova orqali ro‘yxatdan o‘tib, soliq to‘lashi mumkinligi, Davlat soliq qo‘mitasi raisi o‘rinbosari O‘zbekistondagi kirakashlar nega o‘zini o‘zi band qilgan fuqarolar ro‘yxatiga kiritilmaganiga izoh bergani hamda O‘zbekistonda ishsizlik darajasi pasaygani haqida xabar berilgandi.
Izoh (0)