Yevropa Ittifoqi Belarusga qarshi to‘rtinchi sanksiyalar paketini ishlab chiqmoqda va rossiyalik muxolifatchi Aleksandr Navalniyning qamoqqa olinishiga aloqadorlarga nisbatan cheklovlar joriy etishni nazarda tutuvchi “Navalniy ro‘yxati” muhokama qilinmoqda. Bu haqda Litva tashqi ishlar vaziri Gabrielyus Landsbergisga tayanib, “Korrespondent.net” xabar berdi.
“Sanksiyalarning to‘rtinchi paketi — Yevropa sanksiyalar paketi. Hozircha uning qanday tuzilishi borasida aniq talablar yo‘q. Boltiqbo‘yi mamlakatlaridagi hamkasblarim bilan Boltiqbo'yi mamlakatlariga kelishi taqiqlangan odamlar uchun sanksiyalar ro‘yxatini tuzishni muhokama qilyapmiz. Jarayon boshidan aniq ma’lumot bera olmayman, muzokaralar olib borilyapti, ro‘yxatdagi shaxslar ustidan surishtiruv ishlari ketyapti”, — dedi Landsbergis.
Shuningdek, Rossiyaga qarshi sanksiyalarni kengaytirishga ham tayyorgarlik ko‘rilmoqda. Landsbergis so‘zlariga ko‘ra, ko‘proq “Navalniy ro‘yxati — uni ushlash, hibsga olish, sud qilishga aloqadorlar, shuningdek, bu ishlarning buyurtmachilari muhokama qilinmoqda”.
Uning ta’kidlashicha, Litva Boltiqbo‘yi mamlakatlari va Polshadan kelgan mutaxassislar bilan munozaralarda qatnashmoqda va tegishli shaxslar ro‘yxati tez orada Yevropa Ittifoqining rasmiy idoralariga taqdim etiladi.
Izoh (0)