Toshkent shahar hokimligida 8-fevral kuni o‘tkazilgan matbuot anjumanida poytaxt qiyofasini yanada yaxshilash, ko‘kalamzorlashtirish va aholi uchun qo‘shimcha hordiq chiqarish maskanlarini yaratish bo‘yicha ishlab chiqilgan 10 dan ortiq loyihalar taqdim etildi. Bu haqda “Daryo” muxbiri xabar bermoqda.
Toshkent shahar hokimining birinchi o‘rinbosari Baxtiyor Rahmonovning ta’kidlashicha, 2021-yil yakunigacha Toshkent xalqaro aeroportidan 2,2 kilometr uzoqlikdagi maydonda aviatsiya bog‘i tashkil etiladi.
“Mazkur loyiha Toshkent shahri va poytaxtliklar uchun katta bir yangilik bo‘lishi shubhasiz. Ushbu bog‘ hurmatli shahar hokimimiz tashabbusi bilan tashkil qilinyapti. Hammalaringiz ko‘rgansizlar, Mirobod tumanida poyezdlar muzeyi bor, ya’ni u yerda birinchi poyezddan boshlab, bugungi zamonaviy poyezdgacha mavjud. Aviatsiya bog‘i ham xuddi shunday holatda bunyod qilinadi. U yerda samolyotlarning ko‘plab turlari o‘rin oladi”, — dedi Rahmonov.
Mavzuga doir:
- Toshkentda oliy darajadagi mehmonlarni kutib olishga mo‘ljallangan aeroport qurilishiga 140 mln dollar ajratiladi
- Shavkat Mirziyoyev: Sobiq “TAPOiCh”ni tiklash uchun hali ko‘p ishlarni amalga oshiramiz
- BAAning Jetex kompaniyasi O‘zbekiston aviatsiya bozoriga kirishi mumkin
- O‘zbekistonga yangi Airbus A320 Neo layneri keltirildi
Izoh (0)