Italiya huquq-tartibot idoralari Kalabriya jinoyat olami tashkilotining “Ndrangeta” mafiya guruhiga tegishli umumiy qiymati 124 million yevroga teng bo‘lgan mol-mulklarni musodara qildi. Bu haqda ANSA agentligi xabar bergan.
Musodara qilingan mol-mulklar orasida 4 ta kompaniya, 67 ta bino, 91 ta yer uchastkasi, 7 ta transport vositasi, 6 ta korxonaga tegishli aksiyalar, shuningdek, 20 ta bank va sug‘urta hisoblari mavjud.
Xabarlarga ko‘ra, musodara qilingan mol-mulklar to‘rt nafar tadbirkor nomiga rasmiylashtirilgan va ular “Piromalli” tashkilotiga aloqador jinoyatlarni qilganlikda ayblanmoqda.
Avval Italiyaning Kalabriyadagi Lametsiya-Terme shahrida “Ndrangeti” a’zolari ustidan oxirgi 30 yil ichidagi eng katta mojaroli sud jarayoni boshlangani xabar qilingandi. Sudda ayblov kursilaridan jami 355 nafar mafiozilar o‘rin egallagan, shuningdek, ular bilan til biriktirgan amaldorlar, tadbirkorlar va yuristlar ham ishga jalb qilingan. Dastlabki eshituvlarda jinoyatchilikda gumonlanayotgan shaxslar ism-sharifi ro‘yxatini o‘qishning o‘ziga uch soat vaqt sarflangan.
Izoh (0)