Samarqand shahrida yashovchi Zuhra Qiyomovaning fuqarolik ishlari bo‘yicha Chiroqchi tuman sudi qarori ijrosi ta’minlanmayotganligi yuzasidan shikoyati e’lon qilingan edi. Mazkur maqolaga MIB Samarqand viloyat boshqarmasi munosabat bildirdi.
Fuqarolik ishlari bo‘yicha Chiroqchi tuman sudining 2020-yil 6-yanvardagi qarori va fuqarolik ishlari bo‘yicha Qashqadaryo viloyat sudining shu yil 3-iyuldagi ajrimiga asosan da’vogar Zuhra Qiyomovaga javobgarlar G‘anisher Ro‘ziqulov, Zulfiya Rajabova va Abdujalol Ro‘ziqulovlardan voyaga yetmagan farzandi Shamshodbek Abdujalolovni tarbiyasiga olib berish belgilangan.
Majburiy ijro harakatlarini olib borgan byuroning Chiroqchi tuman bo‘limi qarzdor G‘anisher Ro‘ziqulovni “Samarqandda yashaydi, mazkur masala bilan Samarqand viloyati shug‘ullanadi” deya murojaatchiga javob xati yo‘llagan. Va mazkur ijro hujjati Samarqand viloyatiga yuborilgan.Majburiy ijro byurosi Samarqand shahar bo‘limi xodimlari tomonidan ko‘rsatilgan manzillardan biri Samarqand shahar, Mirzo Ulug‘bek ko‘chasidagi xonadon izlab borilganda Samarqand veterinariya meditsina institutining (sobiq Samarqand qishloq xo‘jaligi instituti) yotoqxonasi ekanligi ma’lum bo‘ldi. Ma’lum bo‘lishicha, G‘anisher Ro‘ziqulov ushbu institutda muqaddam ta’lim olgan.
Ko‘rsatilgan ikkinchi manzil — shahardagi “Mustaqillik” mahallasi Mirzo Ulug‘bek ko‘chasidagi uy esa 2016-yilda buzilganligi sababli javobgar bu yerdan ko‘chib ketganligi ma’lum bo‘ldi.
Mazkur ijro harakatlarini davom ettirib, sud hujjatlarida ko‘rsatilgan ikkinchi va uchinchi javobgarlarga nisbatan surishtiruv ishlari olib borilishi lozim bo‘ladi.
Majburiy ijro byurosi Samarqand viloyat boshqarmasi axborot xizmati
Izoh (0)