O‘rta vazn toifasida harakat qiluvchi UFC jangchisi Mahmud Murodov (25-6) Toshkent vaqti bilan 24-yanvar tongida UFC 257 musobaqasida o‘zining promoushendagi uchinchi jangini o‘tkazdi.
O‘zbekistonlik sportchiga tajribali Endyu Sanches (12-6) raqib bo‘ldi. Birinchi raundda Murodov faol bo‘ldi, aniq va ta’sir o‘tkazuvchi zarbalar borasida o‘zbekistonlik yakkakurashchi yetakchilik qildi. Ikkinchi raundda Sanches biroz faollik qo‘shdi. Biroq Murodov raund so‘nggi katta ustunlikda o‘tkazdi.
Uchinchi raundning 3-daqiqasida Mahmud jag‘ga yo‘naltirilgan kuchli zarba bilan raqibini muvozanatdan chiqardi. Keyin esa zarbalar seriyasini ijro etdi, hakam texnik nokautni qayd etgan holda bahsni to‘xtatdi.
Shu tariqa Murodov UFC’dagi ketma-ket uchinchi g‘alabasini qo‘lga kiritdi.
Ma’lumot uchun, Murodov UFC’dagi debyut jangida italiyalik Alessio di Kirikoni (13-5) ochkolar hisobiga ko‘ra, ikkinchi jangida Trevor Smitni (15-10) uchinchi raundda nokaut evaziga mag‘lubiyatga uchratgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)