Pentagon rahbari etib Lloyd Ostin tasdiqlandi. U ushbu lavozimni egallagan birinchi afroamerikalik bo‘ldi

AQSh Senati Lloyd Ostinning Pentagon rahbari lavozimiga ma’qulladi, deya xabar bermoqda Meduza.

67 yoshli Ostin rasmiy ravishda qasamyod qabul qilganidan ko‘p o‘tmay o‘z lavozimiga kirishadi.

Ostin general unvoniga ega. U turli yillarda Birlashgan shtab boshliqlari direktori, Iroq kontingentining bosh qo‘mondoni va AQSh Markaziy qo‘mondonligi boshlig‘i lavozimlarida ishlagan. 2016-yilda u nafaqaga chiqqan va xususiy qurol ishlab chiqarish firmasiga ishga kirgan.

Ta’kidlanishicha, Ostin Pentagonning birinchi afroamerikalik rahbari bo‘ldi.

Eslatib o‘tamiz, Bayden 8-dekabrda Pentagon rahbari lavozimiga tarixda birinchi marta afroamerikalikni tayinlashini ma’lum qilgan edi.

Avvalroq AQSh Milliy razvedkasi direktori lavozimini birinchi marta ayol kishi egallagani haqida xabar berilgan edi.