AQShda saylangan prezident Jozef Baydenning inauguratsiyasidan so‘ng, Oq uy saytining HTML-kodida dasturchilarni ishga taklif qiluvchi e’lon paydo bo‘ldi, deb yozadi “Kommersant”.
Ta’kidlanishicha, hukumat raqamli xizmatida ishlash uchun mutaxassislar qidirilmoqda.
“Agar buni o‘qiyotgan bo‘lsangiz, biz sizning yordamingizga muhtojmiz ”, — deya shifrlangan xabar keltirilgan.
Oq uyning raqamli xizmati 2014-yilda AQShning 44-prezidenti Barak Obama tomonidan ishga tushirilgan bo‘lib, xizmat Medicare to‘lov tizimini modernizatsiya qilish, davlat idoralariga xodim yollash jarayonini isloh qilish singari maqsadlarni ko‘zda tutgan.
Eslatib o‘tamiz, 20-yanvar kuni Vashingtonda AQShning yangi prezidenti Jo Baydenning inauguratsiya marosimi bo‘lib o‘tdi. Tramp unda ishtirok etmasligini bildirgan.
Avvalroq Tramp oxirgi marta Oq uyni tark etgani, Melaniya Tramp turmush o‘rtog‘i Donald Tramp prezidentligi davrida Oq uyni yanada chiroyliroq qilgani haqida xabarlar berilgandi.
Izoh (0)