Bag‘dod markazidagi bozorda sodir bo‘lgan portlashda kamida 31 kishi halok bo‘ldi, 70 dan ortiq kishi jarohat oldi, deb xabar bermoqda Reuters’ga tayanib “RBK”.
Fuqaro mudofaasi xizmati rahbari general-mayor Kadim Salmonning so‘zlariga ko‘ra, portlashni ikki terrorchi amalga oshirgan bo‘lib, ular portlovchi moddalar bilan to‘ldirilgan kamzullar kiyib olgan bo‘lgan.
Hozircha hech qaysi terror tashkiloti portlash uchun javobgarlikni o‘z zimmasiga olmagan, ammo Salmon IShID jangarilari portlashni uyushtirgan bo‘lishi mumkin deb hisoblaydi
Reuters ta’kidlashicha, bu portlash IShIDning 2018-yil yanvaridan beri ushbu bozorda sodir etgan ilk terakti. Bozordagi so‘nggi portlash 27 kishining hayotiga zomin bo‘lgandi.
Avvalroq Ramzan Qodirov “Chechenistonning so‘nggi amiri” o‘ldirilganini e’lon qilgani, Rossiyada 2020-yilda 41 ta teraktning oldi olingani hamda O‘zbekiston fuqarolarini Suriyadagi terrorchilik tashkilotiga jo‘natishda gumon qilingan shaxs ushlangani haqida xabar berilgandi.
Izoh (0)