2020-yilda O‘zbekistonga kelib tushgan xalqaro transchegaraviy pul o‘tkazmalari hajmi 6,03 milliard dollarni tashkil etib, 2019-yilga nisbatan 17 million dollarga yoki 0,3 foizga oshdi, deb xabar beradi Markaziy bank.
Chet elga yuborilgan transchegaraviy pul o‘tkazmalari miqdori esa 1,2 milliard dollarga yetib, 2019-yilning mos davriga nisbatan 157 million dollarga yoki 15 foizga oshgan.
“Natijada xalqaro transchegaraviy pul o‘tkazmalari bo‘yicha ijobiy saldo 4,83 milliard dollarga yetdi”, — deyiladi xabarda.
Avvalroq O‘zbekistonda jismoniy shaxslar tomonidan valyuta ayirboshlash shoxobchalari orqali 2020-yilda sotilgan chet el valyutasi miqdori 4,6 milliard dollarni tashkil etgani to‘g‘risida xabar berilgandi.
Izoh (0)