Toshkentda Malibu yo‘l chetida to‘xtab turgan 2 ta Lacetti’ga urilib, ag‘darilib ketdi

Toshkent shahri Yunusobod tumanida Malibu haydovchisi ikkita Lacetti’ga urilib, ag‘darilib ketdi, deb xabar beradi IIV YHXBB axborot xizmati.

Ma’lumotlarga ko‘ra, 13-yanvar kuni soat 10:00 larda Yunusobod tumani Sharof Rashidov ko‘chasida 2000-yilda tug‘ilgan B.M. boshqaruvidagi Malibu ushbu ko‘chada joylashgan korxona ro‘parasiga yetgan vaqtida boshqaruvni yo‘qotgan. Avtomobil yo‘l chetida to‘xtab turgan ikkita Lacetti’ga urilib, ag‘darilib ketgan.

Ta’kidlanishicha, YTH natijasida tan jarohati olganlar yo‘q.

Mazkur YTH yuzasidan Toshkent shahar IIBB YHXB tomonidan surishtiruv ishlari olib borilib, sodir bo‘lish sabablariga aniqlik kiritilmoqda.

Avvalroq Toshkentda boshqaruvni yo‘qotgan YPX xodimi xizmat Lacetti’sini daraxtga borib urgani, poytaxtning Abdulla Qodiriy ko‘chasida Malibu daraxtga urilib, yonib ketgani to‘g‘risida xabar berilgandi.