Suratkash va astronom Endryu Makkartni Oyning “kosmik raqsi” — libratsiyasini namoyish etdi, deb xabar beradi Hi-Tech.Mail.ru. Bu tabiiy yo‘ldoshning sekin tebranishi bo‘lib, osmon jismi aylanish vaqtida og‘ish burchagini biroz o‘zgartirganida sodir bo‘ladi. Shu sababli Oyning bu kabi tebranishi raqs deb ataladi.

Kadr: YouTube

Suratkash 40 soniyali video tayyorlash uchun Oyni 22 kecha davomida suratga olgan. Makkartnining so‘zlariga ko‘ra, uning uchun bu loyiha eng murakkablaridan biri hisoblanadi.

Gap shundaki, ishni amalga oshirish uchun biroz omad ham kerak bo‘lgan: barchasi o‘xshashi uchun osmon jismini faqat yorqin tunda suratga olish kerak edi. “Ba’zi kechalari sharoit ideal bo‘lgani sabab menga 30 daqiqa kifoya qilardi, biroq boshqa safar kerakli suratni olish uchun kechasi bilan ob-havo yaxshilanishini kutib o‘tirardim”, — deydi Makkartni.

Qiyinchiliklarga qaramay, suratkash ishini muvaffaqiyatli yakunlagan. Rolikda o‘z joyini o‘zgartirgan oy rostdan ham raqsga tushayotganga o‘xshaydi. Bunda kraterlar joylashgan o‘rinning farqiga e’tibor qaratilsa bo‘lgani.