O‘zbekiston epidemiologik vaziyat murakkabligi saqlanib qolgani sabali Respublika maxsus komissiyasining qarori bilan Buyuk Britaniya, Italiya, Daniya, Avstriya, Avstraliya, Niderlandiya va Janubiy Afrika Respublikasi bilan xalqaro aviareyslarga (kirish, chiqish va tranzit reyslar orqali respublikaga kirish) kiritilgan cheklov muddatini 1-fevralga qadar uzaytirdi.

Foto: “Daryo”

Cheklovlar ushbu davlatlarda COVID-19’ning yangi varianti aniqlangan 21-dekabrdan 10-yanvargacha joriy etilgan edi. Yuqoridagi davlatlarda so‘nggi 14 kun davomida bo‘lgan shaxslarga cheklov amal qilgan davr mobaynida O‘zbekistonga kiritilmasligi belgilangan.

Qarorga ko‘ra, so‘nggi 14 kun davomida Buyuk Britaniya, Italiya, Daniya, Avstriya, Avstraliya, Niderlandiya va Janubiy Afrika Respublikasi davlatlarida bo‘lgan holda uchinchi davlatlar orqali O‘zbekistonga kirib kelayotgan O‘zbekiston fuqarolari va fuqaroligi bo‘lmagan shaxslar 14 kun davomida vaqtinchalik karantinda saqlash majmuasida yoki tegishli mehmonxonada karantinga olinishi tartibi davom etiriladi.

Mazkur joriy etilayotgan cheklovlar ushbu davlatlardagi epidemiologik vaziyat barqarorlashgani sari bosqichma-bosqich bekor qilib boriladi.

Avvalroq Uzbekistan Airways koronavirusning yangi shtammi sabab Frankfurtga ikkita parvozini bekor qilgandi.