Toshkentning Yashnobod tumanida 15-dekabrdan 2-yanvarga qadar 7 ta to‘lov terminali o‘g‘irlandi. Bu haqda “Sevimli” telekanalining “Zamon” dasturida ma’lum qilindi.
Yashnobod tumani IIB tomonidan olib borilgan ishlar natijasida jinoyat ishida gumonlanayotgan ikki nafar shaxs qo‘lga olingan.
Ushbu shaxslar Yashnobod tumani Qorasuv ko‘chasidagi 5-uy yonida joylashgan do‘kon yonidan Paynet bankomatini o‘g‘irlayotganida tuman IIO FMBsiga bu haqda xabar berilgan. Tezkor qidiruv ishlari olib borilganda, davlat raqami yechilgan oq Damas rusumli avtomashinaga ushbu infokioskni ortib, olib ketilayotganligi aniqlangan.
Ma’lumotlarga ko‘ra, gumonlanayotgan shaxslar 2020-yil 15-dekabrdan 2021-yil 2-yanvargacha bo‘lgan vaqt oralig‘ida jami 7 ta to‘lov terminalini o‘g‘irlab, ularni buzgan va ichidagi pullarni sarflab yuborgan.
Ma’lum qilinishicha, gumondagi shaxslar D. (1990-yilda tug‘ilgan) va R. (1989-yil tug‘ilgan) bundan avval Jinoyat kodeksining tegishli moddalari bilan jazo muddatini o‘tab chiqqan.
Avvalroq Jizzaxda bankomatdagi pullarni o‘g‘irlamoqchi bo‘lgan yigit qo‘lga olingani to‘g‘risida xabar berilgandi.
Izoh (0)