O‘zbekistonda Yangi yil mavsumi vaqtida pirotexnika vositalaridan foydalanish oqibatida 120 dan ortiq odam jarohat oldi, 6 ta uyda yong‘in yuzaga kelgan. Bu haqda IIV matbuot kotibi Shohrux G‘iyosov fuqarolarga yo‘llagan murojaatida ma’lum qildi.
Uning so‘zlariga ko‘ra, 12 million donadan ortiq pirotexnika mahsulotlari musodara qilingan, 258 kishi ma’muriy, 17 kishi esa jinoiy javobgarlikka tortilgan. Shuningdek, yana 1048 ta holat bo‘yicha hujjatlar sudlarga va boshqa organlarga qonuniy chora ko‘rish uchun yo‘naltirilgan.
Pirotexnika vositalarining noqonuniy aylanmasiga qarshi kurashish, reydlar va profilaktik tadbirlar o‘tkazish maqsadida ichki ishlar, Milliy gvardiya, soliq va boshqa organlar, shuningdek, jamoatchilik a’zolaridan iborat 800 dan ortiq maxsus guruhlar shakllantirilgan.
Ma’lumot uchun, 2009-yilning oxirida hukumat O‘zbekiston hududiga pirotexnika vositalari olib kirish, tashish, saqlash, sotish va foydalanishga vaqtinchalik taqiq o‘rnatilgan edi. 2010-yil 22-sentabrdagi qonun bilan mamlakatda pirotexnika vositalarini noqonuniy ishlab chiqarish, tayyorlash, saqlash, tashish, jo‘natish, ishlatish, shuningdek, noqonuniy olib kirish, eksport qilish yoki sotish uchun ma’muriy va jinoiy javobgarlikni joriy etilgan.
Mavzuga doir: Yangiyo‘lda o‘z uyida kuchli portlovchi pirotexnika vositalarini yasayotgan shaxs ushlandi
Izoh (0)