30-dekabr kuni Toshkent shahrining Uchtepa tumanida “Qorbobolar paradi” o‘tkazilishi to‘g‘risida xabar berilgandi. Poytaxt hokimligi matbuot xizmatining ma’lum qilishicha, ushbu paradda tumanning mingga yaqin aholisi ishtirok etgan.
Ma’lum qilinishicha, 100 ga yaqin Qorbobo kiyimidagi faollar tuman ko‘chalari bo‘ylab harakatlanib, aholiga bayramona kayfiyat ulashgan, orkestr jamoalari esa turli ko‘ngilochar kuy-qo‘shiqlarni ijro etgan.
Avvalroq Andijonda yoshlar tashabbusi bilan Yangi yil bayramini ko‘tarinki ruhda nishonlash, bayramni munosib o‘tkazish maqsadida “Yangi yilga 1000 ta Qorbobo” loyihasi tashkil etilgani to‘g‘risida xabar berilgandi.
Izoh (0)