Dunyoda koronavirusga chalinganlar soni 80 milliondan oshdi

Pandemiya boshidan buyon dunyoda 80 milliondan ortiq kishi koronavirusga chalingan, deb yozadi “RBK” Jons Hopkins universiteti ma’lumotlariga tayanib.

Kasallanganlarning 1,7 milliondan ziyodrog‘i vafot etgan. Sog‘ayganlar soni esa 45 milliondan oshdi.

Koronavirusga chalinish holatlari soni bo‘yicha quyidagi mamlakatlar yetakchilik qilmoqda:

• AQSh — 18,7 million (330 ming kishi vafot etgan);
• Hindiston — 10,1 million (147 ming);
• Braziliya — 7,4 million (190 ming);
• Rossiya — 3 million (53 ming);
• Fransiya — 2,6 million (62 ming).

So‘nggi bir oy ichida dunyo bo‘yicha 20 million kishi koronavirusga chalingan.

Eslatib o‘tamiz, dunyo bo‘yicha koronavirusga chalinganlar soni 9-noyabrda 50 million, 26-noyabrda 60 million, 12-dekabrda 70 million kishidan oshgan edi.