Markaziy Osiyodagi yirik alyuminiy profillar ishlab chiqaruvchi va AKFA Group tarkibiga kiruvchi BENKAM Alu extrusions Niderlandiyaning Amari metals kompaniyasi bilan hamkorlik kelishuvi va mahsulotlarning birinchi partiyasini yetkazib berish bo‘yicha bitim imzoladi.
Amari metals alyuminiy profillar va zanglamaydigan po‘lat quvurlarni eng yirik va ishonchli yetkazib beruvchilardan biri sifatida dunyo miqyosida tan olingan. U yarim tayyor va tayyor metall mahsulotlari bo‘yicha ekspert bo‘lib, alyuminiy profillar ishlab chiqarish sohasida keng ko‘lamli xizmatlarni taqdim etadi.
Navoiy shahrida joylashgan BENKAM Alu extrusions zavodi yuqori sifatli alyuminiy profillarini oltita zamonaviy, hamda Italiya va Koreyaning yuqori texnologik ekstruziya presslarida ishlab chiqaradi. Zavodning quvvati yiliga 47 ming tonnagacha tayyor mahsulot olish imkonini beradi.
Ishlab chiqarish to‘liq avtomatlashtirilgan bo‘lib, bu mehnat samaradorligini oshirish, mahsulot sifatini yaxshilash va yaroqsiz mahsulotlarni qisqartiradi. O‘zbekistonning boshqa zavodlari ichida BENKAM o‘zining ishlab chiqarish jarayonida tabiiy muhitga zarar yetkazmasligi bilan yaxshi ajralib turadi. Kompaniyada chiqindilarni xavfsiz va oqilona yo‘l bilan boshqarish ya‘ni ularni ajratish va qayta ishlash tizimi joriy qilingan.
2021-yilda Amari metals Niderlandiyada 2 ming tonna BENKAM alyuminiy profillarini sotmoqchi va kelajakda Germaniya, Avstriya, Chexiya va Vengriya davlatlariga 8 ming tonna mahsulot yetkazib berish rejalashtirilgan.
BENKAM Alu extrusions mahsulotlari allaqachon dunyoning 18 mamlakatiga, shu jumladan AQSh, Kanada, Polsha, Finlyandiya, Rossiya, Ukraina va bir qator MDH mamlakatlariga eksport qilinmoqda. BENKAM Alu extrusions mahsulot yetkazib berishni geografik jihatdan kengaytirishda davom etmoqda.
Eslatib o‘tamiz, AKFA Group bosh ijro direktori Kamran G‘ulomov ishlab chiqarish bazasi kengaytirilishini e'lon qilib, kompleksning ishlab chiqarish quvvatini yiliga 100000 tonnaga yetkazishni maqsad qilgan.
Reklama huquqi asosida.
Izoh (0)