“Tottenhem” Angliya Liga Kubogi chorak finalida 23-dekabr, chorshanba kuni “Stok Siti”ni mag‘lubiyatga uchratdi (3:1) va musobaqa yarim finaliga yo‘l oldi.
Bu londonliklar ustozi Joze Mourinyo uchun Liga Kubogidagi beshinchi yarim final bo‘ladi. Final yo‘llanmasi uchun “shporlar” Chempionship vakili “Brentford” bilan kuch sinashadi.
Bunga qadar portugaliyalik mutaxassis “Chelsi” (2004/05, 2005/06 va 2014/15-yilgi mavsum) va “Manchester Yunayted” (2016/17) bilan ushbu natijani qayd etgandi. Mourinyo jamoalari ularning barchasida g‘oliblikni qo‘lga kiritgan.
Agar londonliklar finalga yo‘llanma ola bilsa, hal qiluvchi bahsda “Manchester Yunayted” — “Manchester Siti” uchrashuvi g‘olibi bilan o‘ynaydi.
“Stok Siti” — “Tottenhem” uchrashuvida urilgan gollarni bu yerda ko‘rish mumkin — video.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)